ក្រុងសៀមរាប៖ ទីតាំងល្បែងស៊ីសងបញ្ជល់មាន់អនឡាញខុសច្បាប់ នៅក្នុងហាងកាហ្វេ  ណូគា២ កំពុងតែប្រមូលផ្ដុំគ្នាស្រែកហ៊ោកញ្ជ្រៀវ ដោយគ្មានការបង្រ្កាបទប់ស្កាត់ពីសមត្ថកិច្ចមូលដ្ឋាន (វគ្គ១)

ផ្សាយចេញ ថ្ងៃទី២៧ ខែសីហា ឆ្នាំ២០២២

ក្រុងសៀមរាប៖ ទីតាំងល្បែងស៊ីសងខុសច្បាប់បញ្ជល់មាន់ហាយឡាយ តាមទូរទស្សន៍អនឡាញ នៅក្នុងចំណុចហាងការហ្វេ ណូគា២ ស្ថិតនៅភូមិវត្តបូព៌  សង្កាត់សាលាកំរើក ក្រុងសៀមរាប ខេត្តសៀមរាប កំពុងតែប្រមូលផ្ដុំគ្នាលេងល្បែងភ្នាល់ និងស្រែកហ៊ោកញ្ជ្រៀវ ទ្រហឹងអឺងកងពេលឈ្នះចាញ់ម្តងៗ តែបែរជាគ្មានការបង្ក្រាបទប់ស្កាត់ពីសមត្ថកិច្ចមូលដ្ឋានឡើយ៕

ប្រភពព័ត៌មានពីពលរដ្ឋ ដែលស្អប់ល្បែង បានលួចបង្ហើបប្រាប់ថា ទីតាំងល្បែងស៊ីសងខុសច្បាប់ចំណុចនេះ បើកការភ្នាល់ចាប់ពី១០-១១ព្រឹករហូតដល់៨-៩យប់ ហើយក៏មានអ្នកចាញ់ អស់ម៉ូតូញឹកញាប់ផងដែរ និងមានអ្នកញៀនល្បែងដូចគ្នាចាំគូបជេរទិញម៉ូតូឡៃឡុង និងទទួលបញ្ជាំ ដោយយកការថ្លៃកប់ពពក។

ពលរដ្ឋដដែលរូបនោះបានបន្ថែមដែលថា ទីតាំងល្បែងស៊ីសងខុសច្បាប់ នៅក្នុងហាងការហ្វេ ណូគា២ ខាងលើនេះ មិនដែលឃើញមានមុខសមត្ថកិច្ចណាម្នាក់ហ៊ានចេញមុខមកបង្ក្រាបឬទប់ស្កាត់ឡើយ មិនថាមេប៉ុស្តិ៍នគរបាលសង្កាត់ សាលាកំរើកមិនថាលោក អធិការនគរបាលក្រុងសៀមរាប មិនឃើញចេញមុខមកបង្ក្រាបឡើយ សង្ស័យតែខ្លាចបាត់បង់ប្រយោជន៍។

យ៉ាងណាមិញខាងសារព័ត៌មានយើងមិនទាន់បាន រាយការណ៍ព័ត៌មាននេះជូនលោក អធិការនគរបាលក្រុងសៀមរាប នោះទេ ហើយសារនេះសង្ឃឹមថាលោក អធិការនគរបាលក្រុងសៀមរាប និងចាត់វិធានការបង្ក្រាបទប់ស្កាត់បទល្មើសល្បែងស៊ីសងខុសច្បាប់ខាងលើនេះជាក់ជាមិនខាន។

ប្រជាពលរដ្ឋក៏ទទូចសំណូមពរដល់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តសៀមរាប សូមលោកស្នងការជួយប្រាប់ដល់លោកអធិការក្រុងសៀមរាប ដឹកនាំកម្លាំងចុះបង្ក្រាបទីតាំងល្បែងស៊ីសងខុសច្បាប់នេះផងទាន៕

អង្គភាពសារព័ត៌មានខ្មែរសូក្រឹត្យរងចាំការឆ្លើយបំភ្លឺគ្រប់ស្ថាប័នពាក់ព័ន្ធរាល់ម៉ោងធ្វើការតាមរបបអ្នកសារព័ត៌មាន សូមអរគុណ៕0966432222/077541111