ទីតាំងជល់មាន់នៅក្នុងឃុំយុថ្កា(ព្រៃផ្កា)កំពុងបើកស្វាគមន៍អ្នកញៀនល្បែង ចូលលេងដោយសុវត្ថិ
ភាពរក្សាភាពស្ងៀមស្ងាត់…..

ស្រុកកោះអណ្ដែត : ប្រភពទទួលបានពីប្រជាពលរដ្ឋ នៅថ្ងៃទី ១៦ ខែកក្កដា ឆ្នាំ ២០២២ នេះ ទីតាំងល្បែងជល់មាន់ ដែលនៅក្នុងភូមិ យុថ្កា (ព្រៃផ្កា) ឃុំយុថ្កា ស្រុកកោះអណ្ដែត ខេត្តតាកែវ កំពុងតែបើកដំណើរការ យ៉ាងពេញទំហឹង ទទួលស្វាគមន៍អ្នកញៀនល្បែង មកគ្រប់តំបន់ ចូលលេងដោយសេរី និងសុវត្ថិភាព ដោយអាជ្ញាធរក្នុងមូលដ្ឋាន រក្សាភាពស្ងៀមស្ងាត់?

គួរបញ្ជាក់ថា បើល្បែងស៊ីសង បើកលេងយ៉ាងពេញទំហឹងបែបនេះ តើ ភូមិឃុំ មានសុវត្ថិភាពដោយរបៀបណា ? តើលោកមេប៉ុស្តិ៍នៅក្នុងភូមិ យុថ្កា ( ព្រៃផ្កា) ដឹង រឺ ធ្វើមិនដឹង?

យើងដឹងហើយថា ល្បែងស៊ីសងបង្កើតនៅបទល្មើសជាច្រើន មិនថាអំពើហិង្សា លួចឆក់ប្លន់ គឺកើតចេញពីល្បែងស៊ីសងស្ទើរតែទាំងស្រុងទៅហើយ ដូច្នេះតើឲ្យប្រជាពលរដ្ឋរស់នៅក្នុងមូលដ្ឋាន មានទំនុកចិត្តនិងសុវត្ថិភាព របៀបណា បើមូលដ្ឋានរបស់គាត់ រស់នៅគឺមានល្បែងស៊ីសង លេងដោយសេរីបាននេះ?

សូមគោរពជូន ឯកឧត្តម ឈាងផាន់ណារ៉ា ស្នងការនគរបាលខេត្តតាកែវ និង ជាពិសេស លោកអធិការស្រុកកោះអណ្ដែតផ្ទាល់ សូមជួយមើល នឹងបង្ក្រាបទីតាំងល្បែងស៊ីសងមួយកន្លែងនេះផង ដើម្បីរក្សានូវ ភូមិឃុំមានសុវត្ថិភាព និង ប្រជាពលរដ្ឋដែលរស់នៅក្នុងភូមិឃុំនេះ មានទំនុកចិត្តមកលើអាជ្ញាធរ ដែលរក្សាការពារ នៅក្នុងមូលដ្ឋានមិនឲ្យមានបទល្មើសនានាកើតឡើងបាន។