តើ មន្ត្រីសមត្ថកិច្ចពាក់ព័ន្ធ មានបានដឹងដែរឬទេ នូវកន្លែងបើកបនល្បែងស៊ីសងតាមប្រព័ន្ធអនឡាញ ដែលស្ថិតនៅក្នុង ភូមិសង្កាត់របស់ខ្លួន ?

ស្ថិតនៅក្នុងភូមិសែនសុខ1 សង្កាត់ឃ្មូញ ខណ្ឌសែនសុខ មានករណីបើកបនល្បែងស៊ីសង តាមប្រព័ន្ធអនឡាញ មួយកន្លែង

តើលោកអាជ្ញាធរភូមិ សង្កាត់ និងលោកមេប៉ុស្តិ៍ មានបានដឹងដែរឬទេថា កន្លែងនេះ បានបើកបនល្បែងស៊ីសង?

តាមប្រភពពីប្រជាពលរដ្ឋ បានប្រាប់មកក្រុមអ្នកសារព័ត៌មានយើងឱ្យដឹងថា ទីតាំងបនល្បែងស៊ីសងមួយកន្លែងនេះ បានបើកដំណើរការ ជាយូរមកហើយ ហើយក៏គ្មានឃើញអាជ្ញាធរ និងមន្ត្រីសមត្ថកិច្ចពាក់ព័ន្ធនៅក្នុងភូមិសង្កាត់ដែលជាដែនសមត្ថកិច្ចរបស់ខ្លួន ធ្វើការហាមឃាត់ ឬបង្ក្រាបឡើយ ។

ជាចម្ងល់របស់ប្រជាពលរដ្ឋបានចោទសួរថា តើអាជ្ញាធរភូមិ សង្កាត់ មន្ត្រីសមត្ថកិច្ច កំពុងតែគិត ថា ការបើកល្បែងស៊ីសងនេះ ជារឿងធម្មតាឬក៏យ៉ាងម៉េច ទើបបានជាមិនបង្ក្រាប?
ឬក៏ម្ចាស់បនល្បែងខាងលើនេះ បានដាក់សំណែនសែន ដើម្បីបំបិទមាត់ទៅហើយទើបបានជា គ្មានវិធានការអ្វីបន្តិចសោះ?

ជាចុងក្រោយ ប្រជាពលរដ្ឋ បានស្នើសុំ ដល់អាជ្ញាធរ ភូមិ សង្កាត់ និងសមត្ថកិច្ច ជួយចុះអន្តរាគមន៍ និងពិនិត្យមើល នៅបនល្បែង ដែលមានទីតាំង ខាងលើនេះផង ដើម្បីរក្សា សុខសុវត្ថិភាព ជូនដល់ប្រជាពលរដ្ឋស្លូតត្រង់ ដែលរស់នៅ ក្នុងភូមិឃុំនោះ ពីព្រោះថា ទីណាមានល្បែងស៊ីសង ទីនោះ នឹងមានចោរកម្ម លួចឆក់ប្លន់ កាប់សម្លាប់ ជាក់ជាមិនខាន៕